Ezker Batua - Berdeak - Hemengo ezkerra

1986. urtean, NATOren aurkako kanpaina garatu zen. Plataforma horretan, estatu espainoleko ezkertiar guztiak elkartu ziren (PSOE izan ezik), Espainia NATOn ez sartzeko.

1986an, IU sortu zen, aurreko plataforman ezkerrean emandako ekintza-batasunaren ideia bildu nahian. Lehenago, hauteskunde-esperientzia zehatzak egin ziren Andaluzian (PCE eta ezkerreko beste talde batzuk Convocatoria por Andalucíaren barruan aurkeztu ziren).

Honako alderdi hauek osatutako koalizioa zen: PCE (Espainiako Alderdi Komunista), PASOC (Ekintza Sozialistarako Alderdia), IR (Ezker Errepublikarra), FP (Federazio Progresista), PH (Alderdi Humanista) eta PCPE (Espainiako Herrien Alderdi Komunista).

Orain arte, honako hauexek izan dira koordinatzaile nagusiak: Gerardo Iglesias, Julio Anguita eta Gaspar Llamazares.

Gaur egun, alderdien koalizioa barik, mugimendu sozio-politikoa da.

Gizakiak eraldatzeko eta askatzeko ezkerra aldarrikatzen duten talde, pertsona eta alderdi guztiak batzea du helburu.