Ezker Batua - Berdeak - Hemengo ezkerra

Ezker Batua Berdeak ezker eraldatzaileko mugimendua da, eta sistema kapitalista ekonomiko, sozial eta politikoa justiziaren, berdintasunaren eta elkartasunaren printzipioetan oinarritutako eta zuzenbide-estatu federal eta errepublikarrean antolatutako sistema sozialista demokratiko bihurtzea dauka helburu.

Estatu horrek hiritarren eskubideak bermatu behar ditu, eta, euren artean, osasunerako eta guztientzako doako hezkuntzarako, lanerako eta etxebizitzarako eskubideak daude. Estatuak sektore horietan eta beste batzuetan esku hartu behar du, sistema kapitalistak sortutako desberdintasunak konpontzeko.

Ezker Batua Berdeak-ek aldarrikatu egiten du administrazioak egoera txarragoan dauden gizarte-sektoreekin konprometitu behar dela. Horretarako, gizarte-atentziorako politika progresistak jarri behar ditu abian. Era berean, elkartasuna adierazi eta lankidetza eskaintzen die mendeetan zehar herrialde aberatsenek esplotatutako herriei.

Horrez gain, gure garapen-ereduak ingurumena errespetatzen du eta ez du oraingo ongizatearen mesedetan hipotekatzen.

Herri guztientzako autodeterminazio-eskubidea eskatzen dugu, eta Euskadirentzat aldarrikatzen dugu erabaki politiko garrantzitsuei buruzko herri-galdeketak erreferendum bidez antolatzeko eskumena. Horra hor Eusko Legebiltzarrak zehaztutako baldintzetan euskal gizarteak bere etorkizun politikoari buruz askatasunez eta demokraziaren bitartez erabakitzeko daukan eskubidea.

Gure ustez, elkarrizketa da normalkuntza politikoa lortzeko bidea. Bertan, gainera, sentsibilitate eta ideologia guztiak errespetatu behar dira, eta hiritarren partaidetzari eman behar zaio lehentasuna, demokrazian sakontzeko politika berriaren ardatza da-eta.

Inolako salbuespenik gabe gaitzesten dugu indarkeria helburu politikoen lorpenerako erabiltzea. Era berean, indarkeria eteteko eta ETA desegiteko eskatzen dugu.